जीण म्हजी
रक्ताच्या स्पर्शांनी थरथरल्या जीण म्हजी
अस्तुरेच्या किळच्यांनी हादरल्या जीण म्हजी
घात जाले विश्वासाचे, नाते जाले दुस्वासाचे
फासाच्या दोरयांमदीं हुमकळळया जीण म्हजी
दुड्वांच्या स्वार्थाखातर, काळजांचे जाले फातर
चलयेच्या स्वसाभितर घुसमटल्या जीण म्हजी
पुरुशार्थाक वताच शरण, जल्मापयली आयले मरण
अर्भकाच्या कुडक्यांनी विव्हळळया जीण म्हजी
जीविताचो मागलो संग, बदलान मेळळो विनयभंग
तेजाबाच्या चिंगारांनी जळजळळ्या जीण म्हजी
कन्येखातीर आयज पुता उलयता हांव भारतमाता
उपेक्षेच्या पांजऱ्यांमदीं तळमळळ्या जीण म्हजी
No comments:
Post a Comment